Kondaliza rays shimaliy koriyige qollinidighan jazani emeliyleshtürüshni meqset qilidiken

"Birleshme agéntliqi" ning xewer qilishiche, b d t ning shimaliy koriyige qarita yadro siniqi sewebidin jaza qollinish heqqide chiqarghan qarari élan qilin'ghandin kéyin, amérika tashqi ishlar ministiri kondaliza rays xanim asiyani ziyaret qilishqa bashlighan idi. Rays xanim bu qétimqi déplomatiye pa'aliyiti jeryanida, amérika -yaponiye ehdinamisidiki "yaponiye bashqa döletning tehditi astida qalsa, amérika uni qoghdaydu" dégen maddini qaytidin tekitligen. Mulahizichilerning perez qilishiche, rays xanimning bu qétimqi asiya ziyariti shimaliy koriyige qollinilidighan jazani emeliyleshtürüshni meqset qilidiken.

Yaponiyining tashqi ishlar weziri taro aso ependi b d t ning qarari ijra qiliniwatqan mushu waqitta, shimaliy koriyide bir chong yighilish ötküzülüp, uningda tigh üchini biwaste yaponiyige qaratqanliqini, yaponiye bolsa b d t ning qararini qet'iy ijra qilidighanliqini, bu jehette amérika bilenla emes, jenubiy koriye qatarliq bashqa xoshna döletler bilenmu téximu köp jehettin hemkarlishishqa bashlighanliqini bayan qilghan. (Weli)