Amérika yawropa ittipaqini qoral - yaraq imbargosida agahlandurdi


2004.12.24

Amérika hökümitining yuqiri derijilik bir emeldari, eger yawropa ittipaqi xitaygha qaritilghan 15 yilliq qoral - yaraq imbargosini bikar qilsa, amérika bilen chong sürkilish kélip chiqishqa tewekkul qilghan bolidu, dep agahlandurghan.

En'giliyide chiqidighan " pul - mu'amile waqti" gézitining xewer qilishiche, amérika hökümiti eger yawropa ittipaqi imbargoni bikar qilsa, amérikining yawropa mudapi'e sana'itidiki herbiy téxnikisini tonglitidighanliqi heqqide tehdit salghan. " Pul - mu'amile waqti " gézitining neqil keltürüshiche, amérika dölet mudapi'e ministirliqining ismini ashkarlashni xalimaydighan yuqiri derijilik bir emeldari, "ular xitaylarning amérikiliqlarni téximu ünümlük türde öltürüshige yardem qilish mesilisi boyiche söhbet élip ériwatidu" dep körsetken.

"Pul - mu'amile " géziti yuqiriqi emeldarning "bu yawropaliqlar qilishqa tégishlik ish emes," dep agahlandurghanliqini ilgiri sürdi. Yawropa ittipaqi bu ayning bashliri, xitaygha qaritilghan imbargoning yéqin kelgüside bikar qilinidighanliqidin bisharet bergen.

Xitaygha qaritilghan imbargoni bikar qilish, amérika we xelq'ara kishilik hoquq organlirining qarshi turushigha uchrighan idi. " Pul - mu'amile waqti" gézitining bildürüshiche, eger amérika yawropa mudapi'e sana'itini téxnika bilen teminleshni toxtatsa, en'giliyining ba'e séstimisi shundaqla rols- roys qatarliq shirketliri éghir zerbige uchraydiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.