Xitay diktator döletlerge qoral sétiwatidu

• 
  2006-06-12

Xelq'ara kechürüm teshkilati, düshenbe küni bir doklat élan qilip, xitay hökümitini sodan we birma qatarliq kishilik hoquqni depsende qiliwatqan döletler bilen bolghan iqtisadiy we siyasiy munasiwetlirini kücheytish üchün, mezkur döletlerge qoral sétip bériwatidu dep, eyiblidi.

Xelq'ara kechürüm teshkilatining doklatida, sodan, nipal, birma qatarliq döletlerning xitay qorallirini ishlitish arqiliq, milliy we démokratik heriketlerni qandaq basturuwatqanliqi, kishilik hoquqni qandaq depsende qiliwatqanliqi ispatliq pakitlar bilen otturigha qoyulghan.

Lékin xitayning tashqi ishlar yardemchi minsitiri liy xuy béyjingda ötküzülgen muxbirlarni kütüwilish yéghinida, xelq'ara kechürüm teshkilatining eyibleshlirini ret qilip, xitay hökümitining xelq'ara kilishimlerge qattiq ri'aye qilip kéliwatqanliqini ilgiri sürdi.

1990‏-Yillardin béri, xitay hökümiti chet döletlerge qoral sétish mesilside yéngi qa'ide- prinsiplar békitip, qoral iksport qilghan döletlerdin bu qorallarni peqet özini mudapi'e qilish üchün ishlitilishi kéreklikini, rayonning tinchliqi we muqimliqigha tehdit qilmasliqi kéreklikini telep qilghanliqini bildürdi.

Emma xelq'ara kechürüm teshkilatining éytishiche, xitay hökömiti teripidin yolgha qoyolghan qa'ide- prinsiplar éniq emes iken hemde xitay hökümiti özi yolgha qoyghan bu qa'idilerge héchqachan emel qilmighan. (Qanat)