Jorj bush bilen xu jintaw APEC bashliqlirining yighinida uchrashti


2007-09-06
Share

Amérika prézidénti jorj bush bilen xitay dölet re'isi xu jintaw , peyshenbe küni awstraliyining sidnéy shehiride ötküzülgen asiya ‏- ténch okyan hemkarliq teshkilatigha eza dölet bashliqlirining , aliy derijilik yighinida uchrashti.

En'giliye b b s radi'o - téléwiziye shirkitining xewiride körsitilishiche, xu jintaw amérika prézidénti bushning teywen mesiliside tutqan pozitsiyisining qet'iy ikenlikini , bushning teywenning hazirqi haletni özgertishke qarshi ikenlikini bildürgen.

Emma prézidént bush, muxbirlarni kütüwalghanda, teywen mesilisi, teywenning birleshken döletler teshkilatigha eza bolush mesilisi heqqide héchqandaq ipade bildürmigen.

Prézidént bush muxbirlargha: bu qétimqi uchrishishta, özining xu jintaw bilen xitay pulining oborottiki qimmiti, xitayda öktichilerning basturulushi, tibet mesilisi, iran, sudan we koriye mesililiri üstide toxtalghanliqini, emma bu mesililerde xu jintaw bilen ortaq bir pikirge kélelmigenlikini bildürgen. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet