Jenubiy asiyadiki yer tewreshte 11 mingdin artuq adem öldi


2004.12.26
Share on WhatsApp
Share on WhatsApp

Hindonéziyining sumatra arili etrapidiki déngizda yüz bergen dehshetlik yer tewresh weqesi sewebidin, asiyaning jenubiy rayonliridiki döletler éghir tebi'iy apetke uchridi.

Amérika birleshme axbarat agéntliqining xewirige qarighanda, 9 bal etrapidiki yer tewreshtin peyda bolghan déngiz dolqunliri sérlanka, hindonéziye, hindistan, tayland we malayshiye qatarliq alte dölettiki 11 mingdin artuq ademning ölüshini keltürüp chiqarghan. Ölgenlerning sani yene dawamliq ashmaqta.

Sirlanka nöwette jiddiy halet élan qilghan bolup, bu dölette ölgenlerning sani nöwette 3500 din ashqan. Yer tewreshtin kücheygen déngiz dolqunliri sérlankining bir kentini pütünley weyran qilghan.

Yer tewreshtin kélip chiqqan dehshetlik déngiz dolqunliri yene hindistanning jenubiy déngiz boyliridiki 3 mingdin artuq ademning ölüshige seweb bolghan. Taylandtiki ikki sayahet ornimu apetke uchrighan. Tayland da'irilirining bildürishiche, hazirghiche sayahet ornidiki xadimlar we sayahetchilerdin bolup jem'iy 310 din artuq adem hayatidin ayrilghan. Yene nurghun ademning iz dériki tépilmighan.

Hindonéziye hökümitining bildürishiche, hindonéziyide ölgenlerning sani 4422 ge yetken bolup, bu san yene téz örlishi mumkin iken. Bu qétimqi yer tewresh weqesi 1900 - yilidin buyanqi dunyadiki 5 - chong yer tewresh weqesi bolup hésablinidu.(Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.