Hindi okyanda yüz bergen yer tewresh apitide, qaza qilghan adem sani 55000 din ashti

Hindi okyanda yüz bergen yer tewresh we déngiz süyi téship kétish apitide sherqiy jenubiy asiyagha jaylashqan 10 dölettin hazirgha qeder 55000 din artuq adem qaza qildi.

Sirlanka da'iriliri, nöwette qaza qilghan adem sanining 18 minggha yétidighanliqini, 1 milyon ademning makansiz qalghanliqini bildürmekte. Hindonéziye da'iriliri bolsa bu qétimqi apette qaza qilghanlarning 27 mingdin ashidighanliqini bildürdi.

Birleshken döletler teshkilati xadimlirining éytishiche, gerche qutquzush buyumlirini yetküzüsh ayropilanliri nishan'gha yétip kelgen bolsimu, amma apet yüz bergen rayonlarda bénzin we qatnash esliheliri bolmighachqa, apet rayonigha ashliq su we dora qatarliq buyumlarni yetküzelmigen.

Yer shari miqyasida 40 yildin béri yüz bérip baqmighan bu qétimqi apette, sherqiy jenubiy asiyadiki hindonéziye , sirilanka, hindistan, tayland, birma, malaysiya, maldiwi, bin'gal, somali we tanzaniye qatarliq 10 dölette nurghunlighan adem hayatidin ayrilghan. (Eqide)