Сунами деңиз долқуни апитидә өлгәнләрниң сани 77 миңға йәтти

Һинди окянда йүз бәргән йәр тәврәштин келип чиққан сунами дәп аталған деңиз долқуни апитидә қаза қилғанларниң сани давамлиқ ешип берип, чаршәнбә күни 77 миңға йәтти. Дуня сәһийә тәшкилати бу санниң һәтта 100 миңға йетиши мумкинликини мөлчәрлимәктә.

Америка бирләшмә ахбарат агентлиқиниң хәвиригә қариғанда, нөвәттә хәлқара тәшкилатлири апәт тәсиригә учриған районларда юқумлуқ кесәлликләрниң тарап кетишидин әң әндишә қилмақта.

Бу арида апәт райониға қилинған хәлқаралиқ ярдәмләр арқа-арқидин келиватқан болуп, америка һөкүмити дәсләпки қәдәмдә 35 милйон америка доллирилиқ ярдәм әвәтти. Америка президенти буш йәнә, америкиниң һәрқачан җиддий ярдәм қилишқа тәйяр икәнликини билдүрди.

Хәвәрдә көрситилишичә, бирләшкән дөләтләр тәшкилатиниң баш секритари кофи аннан чаршәнбә күни һинди окян әтрапидики дөләтләрниң һәммисини келәр йилниң ичидә деңиз долқунини алдинала биләләйдиған әсвапларни пүтүнләй орнутуп болушқа чақирған. (Пәридә)