Sunami déngiz dolquni apitide ölgenlerning sani 77 minggha yetti

Hindi okyanda yüz bergen yer tewreshtin kélip chiqqan sunami dep atalghan déngiz dolquni apitide qaza qilghanlarning sani dawamliq éship bérip, charshenbe küni 77 minggha yetti. Dunya sehiye teshkilati bu sanning hetta 100 minggha yétishi mumkinlikini mölcherlimekte.

Amérika birleshme axbarat agéntliqining xewirige qarighanda, nöwette xelq'ara teshkilatliri apet tesirige uchrighan rayonlarda yuqumluq késelliklerning tarap kétishidin eng endishe qilmaqta.

Bu arida apet rayonigha qilin'ghan xelq'araliq yardemler arqa-arqidin kéliwatqan bolup, amérika hökümiti deslepki qedemde 35 milyon amérika dolliriliq yardem ewetti. Amérika prézidénti bush yene, amérikining herqachan jiddiy yardem qilishqa teyyar ikenlikini bildürdi.

Xewerde körsitilishiche, birleshken döletler teshkilatining bash sékritari kofi annan charshenbe küni hindi okyan etrapidiki döletlerning hemmisini kéler yilning ichide déngiz dolqunini aldin'ala bileleydighan eswaplarni pütünley ornutup bolushqa chaqirghan. (Peride)