" Катирина " америкиниң җәнубидики районларни еғир зиянға учратти


2005-08-30
Share

Катирина, дәп нам берилгән деңиз қуюни америкиниң мексика қолтуқидики районларға һуҗум қилғандин кейин, миссисипи штатида еғир өлүм - йетим вәқәлирини кәлтүрүп чиқарди. Миссисипи штатидики бир наһийиниң өзидила өлгәнләр 80 гә йәткән болуши мумкин.

Күдрәтлик қуюн луйизиана, алабама вә миссисипи штатлириниң кәң районлирида еғир бузғунчилиқ елип кәлди. Бу районларда електир токи тохтиди. Өй- имарәтләр вәйран болди. Дәл- дәрәхләрни йилтизидин қомурувәтти. Бәзи районларни су бесип кәтти. Йеңи орланд шәһири еғиз бузғунчилиққа учриған.

Қутқузуш хадимлири өгзигә чиқивалған пуқраларни қутқузмақта. Пәрәзләргә қариғанда өлгәнләрниң сани давамлиқ көпийиши мумкин.

Катирина қуюни дүшәнбә күни қуруқлуққа чиққан болуп, қуюнниң һуҗумиға учриған районларда бир милйондин артуқ пуқра еликтир токи билән тәминлиништин мәһрум қалди. Даириләр кишиләрни вақтинчә өйигә қайтмаслиққа агаһландурмақта. Һава райи мәлуматлириға қариғанда қуюн мәркизи һазир миссисипиниң шималида болуп, шәрқий - шималға қарап илгирлимәктикән. Президент буш тексастики тәтилини йерим йолда тохтатти. У, чаршәнбә күни вашингтонға қайтип келиду. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт