" Katirina " amérikining jenubidiki rayonlarni éghir ziyan'gha uchratti


2005-08-30
Share

Katirina, dep nam bérilgen déngiz quyuni amérikining méksika qoltuqidiki rayonlargha hujum qilghandin kéyin, missisipi shtatida éghir ölüm - yétim weqelirini keltürüp chiqardi. Missisipi shtatidiki bir nahiyining özidila ölgenler 80 ge yetken bolushi mumkin.

Küdretlik quyun luyizi'ana, alabama we missisipi shtatlirining keng rayonlirida éghir buzghunchiliq élip keldi. Bu rayonlarda éléktir toki toxtidi. Öy- imaretler weyran boldi. Del- derexlerni yiltizidin qomuruwetti. Bezi rayonlarni su bésip ketti. Yéngi orland shehiri éghiz buzghunchiliqqa uchrighan.

Qutquzush xadimliri ögzige chiqiwalghan puqralarni qutquzmaqta. Perezlerge qarighanda ölgenlerning sani dawamliq köpiyishi mumkin.

Katirina quyuni düshenbe küni quruqluqqa chiqqan bolup, quyunning hujumigha uchrighan rayonlarda bir milyondin artuq puqra éliktir toki bilen teminlinishtin mehrum qaldi. Da'iriler kishilerni waqtinche öyige qaytmasliqqa agahlandurmaqta. Hawa rayi melumatlirigha qarighanda quyun merkizi hazir missisipining shimalida bolup, sherqiy - shimalgha qarap ilgirlimektiken. Prézidént bush téksastiki tetilini yérim yolda toxtatti. U, charshenbe küni washin'gton'gha qaytip kélidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet