Кишиләр рита деңиз қуюнидин қачмақта


2005-09-23
Share

" Рита" деңиз қуюни америкиниң җәнубида мексика қолтуқидин қуруқлуққа чиқиш алдида, 200 миңдин артуқ адәм тексас вә луйизиана штатлириниң деңиз бойидики районлардин тарқақлаштурулди.

Тексас шататида тарихтин бери көлими әң зор тарқақлаштуруш һәрикити қанат яйдурулмақта. Буниң билән қатнаш паләч һалға чүшүп қалди. Бу арида бензин билән тәминләш қийинчилиққа учрап, бензин истансилирида май қалмиғанлиқтин тарқақлаштуруш хизмити қийинчилиққа дуч кәлди. Айропилан истансилирида пуқралар райондин тезрәк кетиш үчүн өчрәт сақлимақта. Чүнки бир қанчә саәттин кейин районда һава қатниши пүтүнләй тохтиши мумкин.

Президент буш җүмә күни кәчтә тексас штатиға берип апәттин мудапиә көрүш әһваллирини көздин кәчүрди. Тексас штатиниң валиси федирал һөкүмәттин 10 миң кишилик әскәр чиқиришни тәләп қилған. Луйизиана штатида даириләр пуқраларни деңиз бойидики районлардин айрилиш тоғрисида сәпәрвәрлик елип берилди. Йеңи орлян шәһиридики пуқралар, шәһәрниң 2 - қетим су астида қелишидин әндишә қилмақта.

Қуюнниң күчи һазир 5 балдин 4 балға төвәнлигән болсиму, әмма у йәнила вәйран қилиш күчигә игә. Президент буш тексас вә луйизиана штатлирида җидди һаләт елан қилди. Америка земин қоғдаш министирлики мәмликәт характерлик җидди инкас қайтуруш механизмини һәрикәткә өткүзгән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт