Kishiler rita déngiz quyunidin qachmaqta

" Rita" déngiz quyuni amérikining jenubida méksika qoltuqidin quruqluqqa chiqish aldida, 200 mingdin artuq adem téksas we luyizi'ana shtatlirining déngiz boyidiki rayonlardin tarqaqlashturuldi.

Téksas shatatida tarixtin béri kölimi eng zor tarqaqlashturush herikiti qanat yaydurulmaqta. Buning bilen qatnash palech halgha chüshüp qaldi. Bu arida bénzin bilen teminlesh qiyinchiliqqa uchrap, bénzin istansilirida may qalmighanliqtin tarqaqlashturush xizmiti qiyinchiliqqa duch keldi. Ayropilan istansilirida puqralar rayondin tézrek kétish üchün öchret saqlimaqta. Chünki bir qanche sa'ettin kéyin rayonda hawa qatnishi pütünley toxtishi mumkin.

Prézidént bush jüme küni kechte téksas shtatigha bérip apettin mudapi'e körüsh ehwallirini közdin kechürdi. Téksas shtatining walisi fédiral hökümettin 10 ming kishilik esker chiqirishni telep qilghan. Luyizi'ana shtatida da'iriler puqralarni déngiz boyidiki rayonlardin ayrilish toghrisida seperwerlik élip bérildi. Yéngi orlyan shehiridiki puqralar, sheherning 2 - qétim su astida qélishidin endishe qilmaqta.

Quyunning küchi hazir 5 baldin 4 balgha töwenligen bolsimu, emma u yenila weyran qilish küchige ige. Prézidént bush téksas we luyizi'ana shtatlirida jiddi halet élan qildi. Amérika zémin qoghdash ministirliki memliket xaraktérlik jiddi inkas qayturush méxanizmini heriketke ötküzgen. (Erkin)

Buni bésish arqiliq, pikringizni yézing

• Print
• Hembehr
• Ewetish

Barliq pikir - bayanlarni körüsh.

• Bügünki anglitish
• Ilgiriki anglitishlar