پاكىستاندىكى يەر تەۋرەش ۋەقەسىدە ئۆلگەنلەر جىددىي كۆپەيمەكتە


2005.10.11
Share on WhatsApp
Share on WhatsApp

ئۆتكەن شەنبە كۈنى پاكىستان بىلەن ھىندىستان كونتروللىقىدىكى كەشمىردە يۈز بەرگەن يەر تەۋرەش ۋەقەسىدە ئۆلگەنلەر 23 مىڭغا يەتكەنلىكى ئېلان قىلىندى. پاكىستان ئىچكى ئىشلار مىنىستىرى شارپو، دەسلەپتە پاكىستاندا ئۆلگەنلەر 33 مىڭغا يەتكەنلىكىنى جاكارلىغان. ئەمما كېيىنرەك پاكىستان باش مىنىستىرى شاۋكەت ئەزىز ئۆلگەنلەرنى23 مىڭ ،دەپ جاكارلىدى. دائىرىلەر، ئۆلگەنلەرنىڭ سانى داۋاملىق كۆپىيىدىغانلىقىنى بىلدۈرمەكتە.

بۇ ئارىدا تەۋرەش رايونىغا ياققان قارا يامغۇر قۇتقۇزۇش ھەرىكىتىنى توسالغۇغا ئۇچراتتى. ھاۋا رايى سەۋەبىدىن ياردەم بۇيۇملىرى توشۇيدىغان تىك ئۇچار ئايروپىلانلار ئۇچۇشتىن توختاشقا مەجبۇر بولغان. ئاپەت رايونىغا بارىدىغان تاغ يوللارنىڭ گۆمۈرۈلۈپ چۈشۈش خەۋپى سەۋەبىدىن قۇتقۇزۇش بۇيۇملىرىنى تاشيول ترانسىپورتىدا يەتكۈزۈش توسالغۇغا ئۇچرىماقتىكەن.

پاكىستان بىلەن ھىندىستاندا بەزى يېزا - قىشلاقلارغا ياردەم بۇيۇملىرى ھازىرغىچە يېتىپ بارالمىغان. ناچار ھاۋا كىلىماتى قۇتقۇزۇش ھەرىكىتىنى ئاقسىتىش بىلەن بىرگە، پۇقرالارنىڭ قىيىنچىلىقىنى ئېغىرلاشتۇرۇۋەتتى. نۇرغۇن كىشىلەر تالادا تۈنەشكە مەجبۇر بولماقتىكەن.

ھىندىستان كونتروللىقىدىكى رايوندا ھازىرغا قەدەر 1300 ئادەم ئۆلگەن. ب د ت ئاپەت رايونىدىكى پۇقرالارنى جىددىي قۇتقۇزۇش بۇيۇملىرى بىلەن تەمىنلەشكە 272 مىليون دوللار كېتىدىغانلىقىنى ئېلان قىلدى. ب د ت نىڭ ئەسكەرتىشىچە، پاكىستان بىلەن ھىندىستاندا پۇقرالارنى ئورۇنلاشتۇرۇشقا 2.5 مىليون چېدىر كېتىدىكەن. (ئەركىن)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.