Пакистандики йәр тәврәш вәқәсидә өлгәнләр җиддий көпәймәктә

Өткән шәнбә күни пакистан билән һиндистан контроллиқидики кәшмирдә йүз бәргән йәр тәврәш вәқәсидә өлгәнләр 23 миңға йәткәнлики елан қилинди. Пакистан ички ишлар министири шарпо, дәсләптә пакистанда өлгәнләр 33 миңға йәткәнликини җакарлиған. Әмма кейинрәк пакистан баш министири шавкәт әзиз өлгәнләрни23 миң ,дәп җакарлиди. Даириләр, өлгәнләрниң сани давамлиқ көпийидиғанлиқини билдүрмәктә.

Бу арида тәврәш райониға яққан қара ямғур қутқузуш һәрикитини тосалғуға учратти. Һава райи сәвәбидин ярдәм буюмлири тошуйдиған тик учар айропиланлар учуштин тохташқа мәҗбур болған. Апәт райониға баридиған тағ йолларниң гөмүрүлүп чүшүш хәвпи сәвәбидин қутқузуш буюмлирини ташйол трансипортида йәткүзүш тосалғуға учримақтикән.

Пакистан билән һиндистанда бәзи йеза - қишлақларға ярдәм буюмлири һазирғичә йетип баралмиған. Начар һава килимати қутқузуш һәрикитини ақситиш билән биргә, пуқраларниң қийинчилиқини еғирлаштурувәтти. Нурғун кишиләр талада түнәшкә мәҗбур болмақтикән.

Һиндистан контроллиқидики районда һазирға қәдәр 1300 адәм өлгән. Б д т апәт районидики пуқраларни җиддий қутқузуш буюмлири билән тәминләшкә 272 милйон доллар кетидиғанлиқини елан қилди. Б д т ниң әскәртишичә, пакистан билән һиндистанда пуқраларни орунлаштурушқа 2.5 Милйон чедир кетидикән. (Әркин)