Pakistandiki yer tewresh weqeside ölgenler jiddiy köpeymekte


2005.10.11
Share on WhatsApp
Share on WhatsApp

Ötken shenbe küni pakistan bilen hindistan kontrolliqidiki keshmirde yüz bergen yer tewresh weqeside ölgenler 23 minggha yetkenliki élan qilindi. Pakistan ichki ishlar ministiri sharpo, deslepte pakistanda ölgenler 33 minggha yetkenlikini jakarlighan. Emma kéyinrek pakistan bash ministiri shawket eziz ölgenlerni23 ming ,dep jakarlidi. Da'iriler, ölgenlerning sani dawamliq köpiyidighanliqini bildürmekte.

Bu arida tewresh rayonigha yaqqan qara yamghur qutquzush herikitini tosalghugha uchratti. Hawa rayi sewebidin yardem buyumliri toshuydighan tik uchar ayropilanlar uchushtin toxtashqa mejbur bolghan. Apet rayonigha baridighan tagh yollarning gömürülüp chüshüsh xewpi sewebidin qutquzush buyumlirini tashyol transiportida yetküzüsh tosalghugha uchrimaqtiken.

Pakistan bilen hindistanda bezi yéza - qishlaqlargha yardem buyumliri hazirghiche yétip baralmighan. Nachar hawa kilimati qutquzush herikitini aqsitish bilen birge, puqralarning qiyinchiliqini éghirlashturuwetti. Nurghun kishiler talada tüneshke mejbur bolmaqtiken.

Hindistan kontrolliqidiki rayonda hazirgha qeder 1300 adem ölgen. B d t apet rayonidiki puqralarni jiddiy qutquzush buyumliri bilen teminleshke 272 milyon dollar kétidighanliqini élan qildi. B d t ning eskertishiche, pakistan bilen hindistanda puqralarni orunlashturushqa 2.5 Milyon chédir kétidiken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.