ياپونىيە 2005 - يىللىق دۆلەت مۇداپىئە ئاق تاشلىق كىتابىنى ئېلان قىلدى


2005-08-02
Share

ياپونىيە ھۆكۈمىتى سەيشەنبە كۈنى ياپونىيىنىڭ 2005 - يىللىق دۆلەت مۇداپىئە ئاق تاشلىق كىتابىنى ئېلان قىلىپ، تېررورچىلىق ۋە باشقۇرۇلىدىغان بومبا قاتارلىق يېڭى تەھدىتلەرگە تاقابىل تۇرۇشنى تەكىتلەش بىلەن بىرگە، خىتاي ۋە شىمالىي كورىيىنىڭ ھەربىي كۈچىگە دىققەت قىلىش زۆرۈرلىكىنى ئەسكەرتتى.

ياپونىيە مەتبۇئاتلىرى بۇ دوكلاتنىڭ، تېررورچىلىققا قارشى تۇرۇشتىكى مۇكەممەل سېستىما قۇرۇشنى تەكىتلەپ، ئامېرىكا-ياپونىيە ئوتتۇرىسىدىكى مۇداپىئە ھەمكارلىقىنى ئاكتىپچانلىق بىلەن ئىلگىرى سۈرۈشكە دەۋەت قىلغانلىقىنى خەۋەر قىلغان.

ياپونىيە مەزكۇر ئاق تاشلىق كىتابىدا خىتاي دېڭىز ئارمىيىسىنىڭ بارغانسېرى ھەرىكەتچانلىشىۋاتقانلىقىنى كۆرسىتىپ، ھەتتا ئۆتكەن يىلى 11 - ئايدا خىتاي سۇ ئاستى پاراخوتىنىڭ ياپونىيە دېڭىز ساھىلىغا بۆسۈپ كىرگەنلىكىنى يازغان.

دوكلاتتا كۆرسىتىلىشىچە، ياپونىيە بۇنىڭدىن كېيىن، خىتاينىڭ ئارمىيىنى زامانىۋىلاشتۇرۇش تەرەققىياتىنى يېقىندىن كۆزىتىپ تۇرىدىكەن ۋە شۇ ئارقىلىق خىتاي ھەربىي كۈچىنىڭ ياپونىيىنىڭكى بىلەن بولغان پەرقىنى ئېنىقلايدىكەن.

بۇ ھەقتە توختالغان ياپونىيە مۇداپىئە نازارىتىنىڭ باشلىقى، خىتاي ھەربىي دائىرىلىرىنىڭ ئارمىيىنىڭ ئاشكارىلىق دەرىجىسىنى تېخىمۇ ئاشۇرۇشىنى تەلەپ قىلدى. ئەمما، خىتاي تەرەپ ياپونىيىنىڭ بۇ دوكلاتىغا تېخى ئىنكاس قايتۇرمىدى.(پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت