Японийә 2005 - йиллиқ дөләт мудапиә ақ ташлиқ китабини елан қилди


2005-08-02
Share

японийә һөкүмити сәйшәнбә күни японийиниң 2005 - йиллиқ дөләт мудапиә ақ ташлиқ китабини елан қилип, террорчилиқ вә башқурулидиған бомба қатарлиқ йеңи тәһдитләргә тақабил турушни тәкитләш билән биргә, хитай вә шималий корийиниң һәрбий күчигә диққәт қилиш зөрүрликини әскәртти.

японийә мәтбуатлири бу доклатниң, террорчилиққа қарши туруштики мукәммәл сестима қурушни тәкитләп, америка-японийә оттурисидики мудапиә һәмкарлиқини актипчанлиқ билән илгири сүрүшкә дәвәт қилғанлиқини хәвәр қилған.

японийә мәзкур ақ ташлиқ китабида хитай деңиз армийисиниң барғансери һәрикәтчанлишиватқанлиқини көрситип, һәтта өткән йили 11 - айда хитай су асти парахотиниң японийә деңиз саһилиға бөсүп киргәнликини язған.

Доклатта көрситилишичә, японийә буниңдин кейин, хитайниң армийини заманивилаштуруш тәрәққиятини йеқиндин көзитип туридикән вә шу арқилиқ хитай һәрбий күчиниң японийиниңки билән болған пәрқини ениқлайдикән.

Бу һәқтә тохталған японийә мудапиә назаритиниң башлиқи, хитай һәрбий даирилириниң армийиниң ашкарилиқ дәриҗисини техиму ашурушини тәләп қилди. Әмма, хитай тәрәп японийиниң бу доклатиға техи инкас қайтурмиди.(Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт