Пәләстин ясир арафатниң ахирәтликигә тәйярлиқ көрмәктә


2004-11-10
Share

Чаршәнбә күни франсийә һәрбий дохтурханиси, пәләстиндики әқса мәсчитиниң имами тайсир тамимиға пәләстин рәһбири ясир арафатниң әһвалиниң һазир наһайити хәтәрлик басқучта икәнликини билдүрди. Шуниң билән пүтүн пәләстин арафатниң ахирәтликигә тәйярлиқ көрүшкә башлиди.

Америка бирләшмә ахбарат агентлиқиниң хәвәр қилишичә, пәләстин әмәлдарлири мисир һөкүмитиниң арафатниң намизини қаһирәдә чүшүрүш тәклипини қобул қилиш алдида турмақта икән. Шундақла мисир президенти һөсни мубарәкниң бир нәпәр баянатчисиму нөвәттә уларниң нәзир тәйярлиқлирини җиддий елип бериватқанлиқини етирап қилди.

Арафат һазир қаттиқ һушсиз һаләттә туриватқан болуп, пәләстин даирилири арафат қаза қилса, уни иорданийә дәрясиниң ғәрбидики рамаллаға көмүшни қарар қилди.

Хәвәрләргә қариғанда, әгәр пәләстин рәһбири ясир арафат қаза қилип кәтсә, униң орниға пәләстин парламентиниң башлиқи вақитлиқ рәһбәр болуп туридикән.(Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт