Pelestin yasir arafatning axiretlikige teyyarliq körmekte

Charshenbe küni fransiye herbiy doxturxanisi, pelestindiki eqsa meschitining imami taysir tamimigha pelestin rehbiri yasir arafatning ehwalining hazir nahayiti xeterlik basquchta ikenlikini bildürdi. Shuning bilen pütün pelestin arafatning axiretlikige teyyarliq körüshke bashlidi.

Amérika birleshme axbarat agéntliqining xewer qilishiche, pelestin emeldarliri misir hökümitining arafatning namizini qahirede chüshürüsh teklipini qobul qilish aldida turmaqta iken. Shundaqla misir prézidénti hösni mubarekning bir neper bayanatchisimu nöwette ularning nezir teyyarliqlirini jiddiy élip bériwatqanliqini étirap qildi.

Arafat hazir qattiq hushsiz halette turiwatqan bolup, pelestin da'iriliri arafat qaza qilsa, uni i'ordaniye deryasining gherbidiki ramallagha kömüshni qarar qildi.

Xewerlerge qarighanda, eger pelestin rehbiri yasir arafat qaza qilip ketse, uning ornigha pelestin parlaméntining bashliqi waqitliq rehber bolup turidiken.(Peride)