Pelestin rehbiri yasir arafat ramallagha depne qilindi

Pelestin rehbiri yasir arafatning méyiti misir paytexti qahirediki depne murasimidin kéyin, jüme küni pelestin'ge élip kélindi. Uning méyiti shu küni minglighan on minglighan pelestin xelqining köz yashliri ichide depne qilindi.

Yasir arafatning jinaza namizi qahirediki bir herbiy lagirning meschitide chüshürülgen. Uning jinaza namizigha en'giliye tashqi ishlar ministiri jek straw, gérmaniye tashqi ishlar ministiri jéshka fishér, fransiye tashqi ishlar ministiri maykél barnér, amérika tashqi ishlar yardemchisi wilyam bérns, hindinoziye prézidénti bambang yudiyonu, türkiye bash ministiri rejep tayip erdoghan, se'udi erebistan text warisi shahzade abdullalar, misir prézidénti mubareklerni öz ichige alghan köp sandiki chet'el rehberliri ishtirak qildi.

Qahirediki jinaza namizidin kéyin ramallagha élip kélin'gen yasir arafatning miyiti, uning ramalladiki qarar gahining baghchisigha depin qilindi. Minglighan - onminglighan pelestin xelqi musibet we köz yashliri ichide " abu ammar" digen nam bilen tonulghan yasir arafatni musibet bilen axiretke uzatti. Yasir arafat esli miyitining quddus shériptiki el-aqsa meschitige depin qilinishini ümit qilghan. El- aqsa, hezriti resulillaning miraj möjizisi yüz bergen muqeddes makan. Biraq isra'iliye yasir arafatning bu yerge depin qilinishini qobul qilmidi.Yasir ararfat peyshenbe küni fransiyidiki bir herbiy doxturxanida wapat bolghan idi. (Erkin)