Xelq'ara axbarat jem'iyiti her qaysi döletlerni metbu'at organlirining pa'aliyitige qol tiqmasliqqa chaqirdi

Xelq'ara axbarat jem'iyiti düshenbe küni 15 - nöwetlik dunya axbarat küni munasiwiti bilen bayanat élan qilip, her qaysi dölet hökümetlirini metbu'at we axbarat organlirining pa'aliyitige qol tiqmasliqqa chaqirdi. Xelq'ara axbarat jem'iyitining bayanatida, "her qaysi dölet hökümetlirining shu döletlerdiki axbarat organlirining pa'aliyitige qol tiqish gherizi bar. Eng muhimi hökümetler axbarat - metbu'at pa'aliyetlirige qol tiqish gherizidin waz kéchish," dep körsetken.

Fransiye axbarat agéntliqining xewer qilishiche, xelq'ara axbarat jem'iyiti xitay, bérma, népal, zimbabuwi qatarliq döletlerni axbarat kontrolluqi eng qattiq döletler dep atighan.

Xelq'ara axbarat jemiyiti, yuqiri ellerni hökümet organliri yéngi melumatlar élan qilmaydighan, ministirlar muxbirlarning ziyaritini qobul qilishtin qachidighan, hette bezi muxbirlarning axbarat élan qilish yighinigha qatnishishini chekleydighan döletler, dep körsetken.

Xelq'ara axbarat jem'iyitining bu yil 3 - ayda élan qilghan doklatida, 2004 - yili dunya boyiche 78 neper muxbirning ölgenlikini jakarlighan. Merkizi parizhdiki chégrisiz muxbirlar teshkilatining ashkarilishiche, ötken yili dunya boyiche 107 neper muxbir qolgha élin'ghan bolup, qolgha élin'ghan muxbirlarning az kem 30 nepiri xitaydiken.

Xitay hökümiti ötken yili qeshqerliq ixtiyari muxbir abdughéni memtiminni, sherqiy türkistan uchur merkizige xewer yollighanliqi sewebidin qolgha alghan idi.(Erkin)