Mexpiy höjjet: amérika xitaydiki bir qatar herbiy qurulushlardin xewersiz qalghan
2005.06.09
Amérikidiki dangliq " washin'gton pochta géziti" ning amérika axbarat da'irilirining bir mexpiy doklatidin igilishiche, amérikining axbarat da'iriliri xitayning ötkenki on yil ichidiki bir qisim muhim herbiy tereqqiyatlirini igiliyelmigen.
Doklatta iytilishche, buning sewebi, ötkenki on yil ichide, xitay da'iriliri özlirining herbiy tereqqiyatlirini heddin tashqiri mexpiy tutqan. Yene bir tereptin , amérika axbarat da'iriliri kommunist hökümetning ichige axbarat xadimlirini orunlashturmighan.
Doklatta körsitilishiche, amérika axbarat da'iriliri waqtida igiliyelmigen bu tereqqiyatlar, xitayning uzun musapiliq nishan tapquchi bashqurulidighan bombini tereqqiy qildurushi, hojumchi su asti paraxutini orunlashturushi we chet'eldin ilghar qorallarni import qilishi qatarliqlarni öz ichige alidiken.
Xewerge qarighanda, bu amérika axbarat da'irilirining xitaydiki herbiy tereqqiyatlargha sel qarighanliqining netijisi iken.
Amérika dölet mudapi'e ministiri donald ramisfild téxi ötken shenbe küni xitayning herbiy qurulushini kücheytishige bolghan endishisini otturigha qoyghan idi. U xitayning dunyaning her qandaq yérige hujum qilalaydighan bashqurulidighan bombini tereqqiy qilduriwatqanliqini körsitip, xitayning herbiy qurulushqa zor derijide meblegh sélishidiki meqsitidin gumanlan'ghan. Emma xitay bolsa, donald ramisfilning sözini ret qilip, xitayning herbiy xirajetni peqet bir az köpeytkenlikini, herbiy qurulushni kücheytish meqsitining yoqliqini bildürgen. (Arzu)
Munasiwetlik maqalilar
- Xitay, herbiy qurulushining asiya bixeterlikige tehdit séliwatqanliqini ret qildi
- Xitay 10 yilning ichide bashqurulidighan bombilirini téximu köpeytishi mumkin
- Xitayning herbiy xam chotni köpeytishi amérikini bi'aram qildi
- Xitay herbiy xam chotini köpeytdighanliqini jakarlidi
- Xitayning herbiy teyyarliqi asiyadiki muqimsizliq amili dep qaralmaqta