Чегрисиз мухбирлар тәшкилати 2007 ‏- йиллиқ ахбарат әркинлики доклатини елан қилди

2008-01-03
Елхәт
Пикир
Share
Принт

Чегрисиз мухбирлар тәшкилати пәйшәнбә күни 2007 ‏- йиллиқ дуня ахбарат әркинлики доклатини елан қилип, пүтүн дуня ахбарат әркинликиниң әһвалиға көз йүгүртти.

Доклатта 2007 ‏- йилида дуняда 86 нәпәр мухбир билән 20 нәпәр ахбарат ярдәмчисиниң һәр хил шәкилдә өлтүрүлгәнлики, 887 нәпәр мухбирниң қолға елинғанлиқи тәкитләнгән болуп, 1511 нәпәр мухбир зораванлиқ һуҗуми вә тәһдиткә учриған. 67 Мухбир гөрүгә елинған , 528 ахбарат идарисиниң хизмәтлири тәкшүрүлгән.

Чегрисиз мухбирлар тәшкилатиниң доклатида йәнә, интернет тор бетидики ахбарат әркинлики һәққидә хуласә чиқирилған һәмдә , дунядики тор бетидә өз қарашлирини инкас қилған 37 нәпәр кишиниң қолға елинғанлиқи, 21 иниң һуҗумға учриғанлиқи, 2676 тор бети тақиветилгәнлики тилға елинған .

Чегрисиз мухбирлар тәшкилатиниң мәзкүр йиллиқ доклатиниң ахирида ирақ , сумали вә пакистан қатарлиқ дөләтләрдә мухбирларниң әң көп өлтүрүлгәнлики ашкариланған болуп , хитайда болса 33 мухбирниң мухбирлиқ салаһити елип ташланғанлиқи шуниңдәк интернеттә һөкүмәткә қарши пикир баян қилған 50 нәпәр өктичигә қамақ җазаси берилгәнлики тәкитләнгән , болупму хитай компартийисиниң 17 ‏- нөвәтлик қурултийи мәзгилидә ахбарат саһәсигә қаритилған контроллуқиниң дуня буйичә әң қаттиқ йүргүзүлгәнлики қәйт қилинған. (Әқидә)

Пикирләр (0)
Share
Толуқ бәт