"Чегрисиз мухбирлар тәшкилати" хитайни әйиблиди


2005-12-14
Share

Баш шитаби париждики "чегрисиз мухбирлар тәшкилати" чаршәнбә күни хитайни, доңҗовдики сақчиларниң намайишчиларни етиш вәқәсидин кейин, буниңға аит хәвәрләрни тосиғанлиқини әйиблиди.

Мәзкур тәшкилат баянатида, " хитай һөкүмити өткән һәптидики қанлиқ вәқәгә аит барлиқ учурларни пүтүнләй бурмилиди" дәп язған. Хитай һөкүмити вәқә йүз берип һазирғичә пәқәт һөкүмәт тәрәпниң инкасинила берип, сақчиларниң тоқунушта 3 кишини етип өлтүргәнликини хәвәр қилған.

Әмма ройтерс агентлиқиниң хәвәр қилишичә, нурғун намайишчилар бу вәқәдә 30 нәччә кишиниң сақчилар тәрипидин етип өлтүрүлгәнликини билдүргән. Әгәр бу сан тоғра болса, у һалда бу 1989 ‏- йилидики тйәнәнмен вәқәсидин буянқи, хитай бихәтәрлик хадимлириниң әң чоң көләмлик қораллиқ һуҗуми һесаблиниду.

"Чеграсиз мухбирлар тәшкилати" йәнә, хитай һөкүмитиниң бу вәқәдә интернеттики учурларниму контрол қилғанлиқини билдүрди. Бу тәшкилат һәтта хитайниң интернет тор бәтлиригә кирип хитайчә "доңҗовда кишиләр өлтүрүлди" дегән сөзни язғанда, бу шу заманла рәт қилинған. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт