"Chégrisiz muxbirlar teshkilati" xitayni eyiblidi


2005-12-14
Share

Bash shitabi parizhdiki "chégrisiz muxbirlar teshkilati" charshenbe küni xitayni, dongjowdiki saqchilarning namayishchilarni étish weqesidin kéyin, buninggha a'it xewerlerni tosighanliqini eyiblidi.

Mezkur teshkilat bayanatida, " xitay hökümiti ötken heptidiki qanliq weqege a'it barliq uchurlarni pütünley burmilidi" dep yazghan. Xitay hökümiti weqe yüz bérip hazirghiche peqet hökümet terepning inkasinila bérip, saqchilarning toqunushta 3 kishini étip öltürgenlikini xewer qilghan.

Emma roytérs agéntliqining xewer qilishiche, nurghun namayishchilar bu weqede 30 nechche kishining saqchilar teripidin étip öltürülgenlikini bildürgen. Eger bu san toghra bolsa, u halda bu 1989 ‏- yilidiki tyen'enmén weqesidin buyanqi, xitay bixeterlik xadimlirining eng chong kölemlik qoralliq hujumi hésablinidu.

"Chégrasiz muxbirlar teshkilati" yene, xitay hökümitining bu weqede intérnéttiki uchurlarnimu kontrol qilghanliqini bildürdi. Bu teshkilat hetta xitayning intérnét tor betlirige kirip xitayche "dongjowda kishiler öltürüldi" dégen sözni yazghanda, bu shu zamanla ret qilin'ghan. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet