Chégrisiz muxbirlar teshkilati: junggo asiya dimukratiye gewdisining rak késili


2006-05-02
Share

Merkizi parizhdiki chégrisiz muxbirlar teshkilati seyshenbe küni doklat élan qilip, xitayning ipade erkinliki xatirisini tenqid qildi we xitayni asiyadiki "dimukratiye gewdisining rak késili", dep eyiblidi.

Chégrisiz muxbirlar teshkilati, béyjing hökümiti xelq ammisini ijtima'iy jiddiychilik eks ettürülgen xewerlerni anglashtin tosimaqta we chet'ellik zhornalistlar we yerlik muxbirlarni qolgha almaqta, dep tenqidligen. Junggo asiyadiki "dimukratiye gewdisining rak késili", dep tekitligen chégrisiz muxbirlar teshkilati, "ipade erkinliki keng kölemde buzghunchiliqqa uchrimaqta," deydu.

Chégrisiz muxbirlar teshkilatining eskertishiche, "ijtima'iy turaqsizliqqa duch kelgen junggo hökümiti uchurni kontrol qilish yolini talliwalghan. Metbu'at öz özini chekleshke mejbur qilinip, intérnét tazilashqa uchrighan, chet'el metbu'atlirini chetke qéqishqa bashlighan."

Doklatta muxbirlarni qolgha élish mesilisi dawam qiliwatqanliqini eskertip, chet'el metbu'atliri bilen hemkarlashquchilarning zerbe bérish nishanigha aylinip qalghanliqini tekitligen. Chégrisiz muxbirlar teshkilatining eskertishiche, bu yilning bashliri xitay boyiche az dégende 32 muxbir türmige tashlan'ghan. " Türmige tashlash istibdatlarning muxbirlarni jimiqturushtiki eng ötkür qorali," dep tekitligen mezkur teshkilat, bu jehette junggo qatarliq döletlerning ehwalida yildin yilgha chong özgirish bolmighanliqini bildürgen. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet