Хитай, диний вә ахбарат әркинликиниң йоқлиқи билән әйибләнди


2006-05-03
Share

2‏- Май күни вашингтондики ақиллар оргини һесабланған даңлиқ хатсон иниститути, хитайниң кишилик һоқуқ әһвали һәққидә муһакимә йиғини уюштурди. Йиғинға қатнашқан хитайниң кишилик һоқуқ ишлириға көңүл бөлидиған бир қанчә мустәқил язғучи вә адвокатлар хитайниң кишилик һоқуқ вәзийитини тонуштуруп, хитайда диний вә ахбарат әркинликиниң қаттиқ контрол қилинидиғанлиқини көрсәтти.

Мустәқил язғучи йү җйе йиғинда, хитайниң диний етиқад вәзийитидә түп өзгириш болушиниң, хитайниң сиясий түзүлмисидики өзгириш билән зич бағлинишлиқ икәнликини билдүрүп, "хитайда ахбарат вә сөз әркинлики болмайдикән, у чағда һәқиқий диний етиқад әркинликиму болмайду" деди.

Хитайдики сөз әркинлик вәзийити һәққидә тохталған чеңду университетиниң қанун профессори ваң йи, хитай һөкүмитиниң сөз вә ахбарат әркинликигә болған контроллуқиниң бурундинла мәвҗут икәнликини, әмма ху җинтав дөләт рәисликигә тәйинләнгәндин кейин, бу әһвалниң рошән еғирлашқанлиқини көрсәтти.

Вашингтонда өткүзүлгән хитайниң кишилик һоқуқ вәзийити һәққидики бу йиғинға йәнә, кишилик һоқуқ ишлири бойичә адвокат ли бәйгуаң вә кишилик һоқуқ паалийәтчиси го фейшйоң қатарлиқлар қатнишип, хитайда мәвҗут болуп туруватқан кишилик һоқуқ дәпсәндичиликлирини паш қилди. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт