Xitay, diniy we axbarat erkinlikining yoqliqi bilen eyiblendi


2006-05-03
Share

2‏- May küni washin'gtondiki aqillar orgini hésablan'ghan dangliq xatson inistituti, xitayning kishilik hoquq ehwali heqqide muhakime yighini uyushturdi. Yighin'gha qatnashqan xitayning kishilik hoquq ishlirigha köngül bölidighan bir qanche musteqil yazghuchi we adwokatlar xitayning kishilik hoquq weziyitini tonushturup, xitayda diniy we axbarat erkinlikining qattiq kontrol qilinidighanliqini körsetti.

Musteqil yazghuchi yü jyé yighinda, xitayning diniy étiqad weziyitide tüp özgirish bolushining, xitayning siyasiy tüzülmisidiki özgirish bilen zich baghlinishliq ikenlikini bildürüp, "xitayda axbarat we söz erkinliki bolmaydiken, u chaghda heqiqiy diniy étiqad erkinlikimu bolmaydu" dédi.

Xitaydiki söz erkinlik weziyiti heqqide toxtalghan chéngdu uniwérsitétining qanun proféssori wang yi, xitay hökümitining söz we axbarat erkinlikige bolghan kontrolluqining burundinla mewjut ikenlikini, emma xu jintaw dölet re'islikige teyinlen'gendin kéyin, bu ehwalning roshen éghirlashqanliqini körsetti.

Washin'gtonda ötküzülgen xitayning kishilik hoquq weziyiti heqqidiki bu yighin'gha yene, kishilik hoquq ishliri boyiche adwokat li beygu'ang we kishilik hoquq pa'aliyetchisi go féyshyong qatarliqlar qatniship, xitayda mewjut bolup turuwatqan kishilik hoquq depsendichiliklirini pash qildi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet