Явропа бирлики хитайниң чәтәл учулирини чәкләйдиған йеңи бәлгилимисини тәнқит қилди


2006.09.11

'Америка бирләшмә агентлиқи'ниң белигийиниң пайтәхти бросселдин хәвәр қилишичә, явропа бирлики 11 ‏- сентәбир күни хитай даирилириниң чәтәл учур вастилири тарқатқан учурларни чәкләйдиған вә контрол қилидиған йеңи бәлгилимә чиқарғанлиқини қаттиқ тәнқит қилған. явропа бирликиниң баянатчиси җоһанес лайтенбург әпәнди 'бейҗиң һөкүмитиниң чәтәл учурлирини чәкләйдиған йеңи бәлгилимә чиқарғанлиқи хитай- явропа мунасивитидә сәлбий рол ойнайду' дәп көрсәткән.

Хәвәдә баян қилинишичә, явропа бирлики 10 ‏- ай ичидә хитай билән өткүзидиған яврупа -хитай кишилик һоқуқ сөһбитидә бу мәсилини рәсмий оттуриға қойидикән. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.