Yawropa ittipaqi xitayning yéngi metbu'at belgilimisini tenqid qildi


2006.09.12
Share on WhatsApp
Share on WhatsApp

Xitay hökümiti chet'el metbu'atlirining axbarat pa'aliyitini chekleydighan yéngi belgilime chiqarghandin kéyin, yawropa ittipaqi béyjing da'irilirining bu herikitini eyiblidi.

Yawropa ittipaqining bayanatchisi johannés léytinbérgér, xitayning yekshenbe küni élan qilghan we chet'el metbu'atlirining xitay axbarat bazirigha kirishini chekleydighan yéngi belgilime" heqiqi türde endishimizni qozghimaqta " dep körsetti.

Léytinbérgérning eskertishiche, yawropa komitéti buni xitay - yawropa munasiwitidiki " selbiy tereqqiyat" dep qarighan. U, bu mesilining xélsinkiy yighinida muzakire qilin'ghanliqini we yawropa ittipaqining xitaylargha " biz bu xil cheklimige qarshi turumiz " dep tekitligenlikini eskertti.

Léytinbérgérning ashkarilishiche, bu mesile bu yil 10 - ayda béyjingda ötküzülidighan xitay - yawropa ittipaqi kishilik hoquq yighinida muzakire qilinidiken. Yéngi belgilimide chet'el metbu'atliri xitayda xewer, resimlik xewer we shuninggha munasiwetlik nersilerni élan qilmaqchi bolsa, shinxu'a axbarat agéntliqining ruxsitini élish telep qilin'ghan.

Yéngi belgilime boyiche "xitayning iqtisadi, ijtima'iy tertipi we jem'iyet muqimliqini buzudighan xewerler" cheklinidiken. Finlandiye tashqiy ishlar ministiri érkki tomyoja xitayning bu yéngi belgilimisini tenqid qildi. Lékin xitay tashqiy ishlarministirliqi bayanatchisi chin gang, " bu belgilime chet'el muxbirlirining olimpik yighini jeryanidiki axbarat pa'aliyitige qaritilmighan " dep körsetti. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.