Chégrisiz muxbirlar teshkilati xitayning axbarat erkinlikini basturush qilmishini qattiq eyiblidi

Chégrisi'iz muxbirlar teshkilati peyshenbe küni, xitay hökümitining axbarat erkinlikini basturush qilmishliri, bolupmu muxbirlarni qamap qoyush shuningdek intérnét tor betlirige qaratqan kontrolluqlirini qattiq eyiblidi.

Chégrisiz muxbirlar teshkilatining 2006 ‏- yilliq doklatida, 2007 ‏- yili 1 ‏- aygha qeder xitayda 31 neper muxbirning qamalghanliqi, 2007 ‏- yili 10 ‏- ayda ötküzilidighan 17 ‏- nöwetlik qurultay munasiwiti bilen saqchi da'irilirining alliqachan 12 muxbirni qolgha élip, yene 10 nechche muxbir üstidin nazaretni kücheytkenliki tekitlen'gen.

Chégrisiz muxbirlar teshkilati yene, xitay hökümitining axbarat wastilirini qamal qilishtek heriketlirini tenqid qilish bilen birge, 2006 ‏- yili 4 ‏- ayda xitayning jenubiy déngiz rayonlirida yüz bergen qush zukimi we 2006‏- yili 6 ‏- ayda shi'ende yüz bergen üch chaqliq mashina shopurlirining naraziliq namayishini yoshurup, muxbirlarning élan qilishini chekligen qilmishini qattiq eyiblidi.

Nöwette " béyjing géziti" " jenubiy junggu heptilik zhornili" xitay hökümiti teripidin jazalan'ghan bolup, " jonggu yashliri géziti" ning tehrir we müherrirlirining xizmetliri almashturiwitilgen.

Chégrisiz muxbirlar teshkilati, xitayda 50 din artuq ademning intérnét tor betliride öz pikirini bayan qilish bilen qolgha élinip, türmige tashlan'ghanliqini bildürdi. Chégrisiz muxbirlar teshkilatining mexsus wekiller ömiki téxi yéqindila xitayni ziyaret qilip qaytip kelgen idi. (Eqide)