Бағдаттики партлашта 43 киши қаза қилди


2005.08.17

Чаршәнбә күни ирақниң пайтәхти бағдат шәһириниң мәркизидә, арқа-арқидин 3 қетим партлаш вәқәси йүз берип, 43 кишиниң қаза қилиши вә 75 кишиниң ярилинишидәк паҗиәни кәлтүрүп чиқарди.

Ирақ сақчи даирилириниң мәлум қилишичә, бу партлашларниң арисидики 2 қетимлиқ машина партлаш вәқәси шәһәр мәркизидики бир аптобус бекитидә йүз бәргән. Йәнә бирси болса, әтраптики бир дохтурханида партлиған. Бу чағда мәзкур дохтурханида техи дәсләпки партлашта яриланғанлар давалиниватқан икән.

Бу арида ирақ вақитлиқ һөкүмити рәһбәрлири йеңи асасий қанун лайиһисини түзүп чиқиш ишлирини җиддий елип бериватқан болуп, улар чоқум дүшәнбә йәни 8 - айниң 22 - күнидин бурун, ислам дининиң орни вә мәркәз билән йәрлик һөкүмәт һоқуқлардин қандақ бәһримән болуш қатарлиқ бир қанчә муһим мәсилиләрни һәл қилип болиши керәк.

Әгәр улардүшәнбигичә бу мәсилидә бирликкә келәлмәй, асасий қанун лайиһисини тамамлап болалмиса, у чағда вақитлиқ һөкүмәт вә парламент тарқитиветилиду һәмдә йеңидин сайлам елип берилиду. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.