Baghdattiki partlashta 43 kishi qaza qildi

Charshenbe küni iraqning paytexti baghdat shehirining merkizide, arqa-arqidin 3 qétim partlash weqesi yüz bérip, 43 kishining qaza qilishi we 75 kishining yarilinishidek paji'eni keltürüp chiqardi.

Iraq saqchi da'irilirining melum qilishiche, bu partlashlarning arisidiki 2 qétimliq mashina partlash weqesi sheher merkizidiki bir aptobus békitide yüz bergen. Yene birsi bolsa, etraptiki bir doxturxanida partlighan. Bu chaghda mezkur doxturxanida téxi deslepki partlashta yarilan'ghanlar dawaliniwatqan iken.

Bu arida iraq waqitliq hökümiti rehberliri yéngi asasiy qanun layihisini tüzüp chiqish ishlirini jiddiy élip bériwatqan bolup, ular choqum düshenbe yeni 8 - ayning 22 - künidin burun, islam dinining orni we merkez bilen yerlik hökümet hoquqlardin qandaq behrimen bolush qatarliq bir qanche muhim mesililerni hel qilip bolishi kérek.

Eger ulardüshenbigiche bu mesilide birlikke kélelmey, asasiy qanun layihisini tamamlap bolalmisa, u chaghda waqitliq hökümet we parlamént tarqitiwétilidu hemde yéngidin saylam élip bérilidu. (Peride)