Yawropa ittipaqi xitayni toqulma buyumlar éksporti mesiliside agahlandurdi


2005.03.11
Share on WhatsApp
Share on WhatsApp

Yawropa ittipaqi komitéti jüme küni, xitay toqulma buyumlirining importigha cheklime qoyush yolida muwapiq tedbirler alidighanliqini agahlandurdi.

Dunya soda teshkilatigha kirish kélishimi boyiche xitay toqulma buyumlirigha qoyulghan cheklime 1 - ayning 1 - künidin bashlap bikar qilin'ghan. Yawropa toqulma sana'et sahesidiki erbablar cheklimining bikar qilin'ghanliqidin endishe qiliwatqanliqini bildürgen. Yawropa ittipaqi soda komisari pétir mandélson, béyjingdiki yawropa ittipaqi wekillirining xitay hökümiti bilen bu mesililer boyiche söhbet élip baridighanliqini tekitligen.

Fransiye axbarat agéntliqining xewer qilishiche, pétir mandilson xitay da'iriliri bilen bu mesililer boyiche biwaste shundaqla aktip alaqilishiwatqanliqini bildürgen. U, xitay toqulma buyumlirining importigha cheklime qoyush üchün " muwapiq peytte muwapiq tedbirlerni qollunushimiz mumkin", dep körsetken.

Yawropa toqulma sana'et sahesidiki erbablar peyshenbe küni yawropa ittipaqi komitétining xitay toqulma buyumlirigha cheklime qoyushni telep qilghan idi.

Xitay toqumichiliq jem'iyitining aldinqi küni ashkarilishiche, xitay toqulma buyumlirining éksporti bu yil 1 - ayda köpiyishke bashlighan. Yawropa komitétining bayanatchisi wéron - réwillé, yawropa ittipaqi xitay toqulma buyumlirining import körsetküchidiki artish shundaqla towar bahasigha köre tedbir alidighanliqini bildürdi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.