Баку - тиблис- қарс төмүр йоли 2008 ‏- йили пүтиду


2007.11.21
Share on WhatsApp
Share on WhatsApp

Әзәрбәйҗан, грозийә, түркийә президентлири бүгүн грозийидә җәм болуп, бу үч дөләтни бир-биригә туташтуридиған истратегийилик төмүр йол қурулушини орунлаштурди.

Франсийә агентлиқиниң грозийиниң мараба шәһиридин 21 ‏- ноябир күни хәвәр қилишичә, грозийә президенти михаил сакашвили бүгүн әзәрбәйҗан президенти илһам әлийеф, түркийә президенти абдулла гул билән бирликтә, баку-тиблис-қарс төмүр йол қурулушини башлаш мурасимида 'бүгүн биз үчүн бир тарихи күн, бүгүн бу үч дөләт арисида қәдимқи йипәк йолини қайтидин әслигә кәлтүрүш үчүн бир төмүр йол қурулуши башланди' деди.

Хәвәрдә ейтилишичә, әзәрбәйҗан, грозийиләрдики мол нефит вә тәбиий газ байлиқини каспи деңиз арқилиқ түркийигә вә униңдин явропаға маңғузидиған туруба қурулуши буниңдин бурун ғәрб әллириниң күчлүк қоллиши билән башланған иди. Һазир бу үч дөләтни бир-биригә техиму зич туташтуридиған төмүр йол қурулушиниң башланғанлиқи, бу районда йүз бәргән йәнә бир чоң сиясий җуғрапийилик өзгириш болуп һесаблиниду. Пиланлинишичә, бу қурулуш 2008 ‏- йили пүтиду. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.