Baku - tiblis- qars tömür yoli 2008 ‏- yili pütidu

Ezerbeyjan, groziye, türkiye prézidéntliri bügün groziyide jem bolup, bu üch döletni bir-birige tutashturidighan istratégiyilik tömür yol qurulushini orunlashturdi.

Fransiye agéntliqining groziyining maraba shehiridin 21 ‏- noyabir küni xewer qilishiche, groziye prézidénti mixa'il sakashwili bügün ezerbeyjan prézidénti ilham eliyéf, türkiye prézidénti abdulla gul bilen birlikte, baku-tiblis-qars tömür yol qurulushini bashlash murasimida 'bügün biz üchün bir tarixi kün, bügün bu üch dölet arisida qedimqi yipek yolini qaytidin eslige keltürüsh üchün bir tömür yol qurulushi bashlandi' dédi.

Xewerde éytilishiche, ezerbeyjan, groziyilerdiki mol néfit we tebi'iy gaz bayliqini kaspi déngiz arqiliq türkiyige we uningdin yawropagha mangghuzidighan turuba qurulushi buningdin burun gherb ellirining küchlük qollishi bilen bashlan'ghan idi. Hazir bu üch döletni bir-birige téximu zich tutashturidighan tömür yol qurulushining bashlan'ghanliqi, bu rayonda yüz bergen yene bir chong siyasiy jughrapiyilik özgirish bolup hésablinidu. Pilanlinishiche, bu qurulush 2008 ‏- yili pütidu. (Weli)