Dunya bankisi afriqa döletlirige qerz bérish mesiliside xitayning bankilirini eyiblidi


2006.10.24
Share on WhatsApp
Share on WhatsApp

Amérikida neshr qilinidighan maliye waqit gézitide éytilishiche,yéqinda, dunya bankisi prézidénti pawl wolfowitz (Paul Wolfowitz) xitay bankilirining afriqa döletlirige qerz bérishte, mezkur jaylardiki kishilik hoquq we muhit ölchemlirige sel qarawatqanliqini körsitip, xitay hökümitini eyibligen.

Maliye waqit gézitide bérilgen xewerde éytilishiche, dunya bankisi prézidénti pawl wolfowitz (Paul Wolfowitz) fransiye lés iko géziti muxbirining ziyaritini qobul qilghanda xitaydiki chong bankilarning 2003 ‏- yilidin buyan ijra qiliniwatqan xelq'ara maliye hemkarlishish prinsipini közge ilmay xelq'ara bankilar otturisidiki ortaq ölchemge xilapliq qiliwatqanliqini yeni pul qerz bérishte ijtima'iy we muhit ölchimige boysunmaywatqanliqini alahide tekitligen. U yene , xitay hökümitining afriqa döletliri bilen munasiwet ornitishta, peqet mezkur jaydiki énérgiye menbesini we bazarlirinila közde tutuwatqanliqini bildürdi.

Pawl wolfowitz (Paul Wolfowitz) ning bildürüshiche, dunya bankisi mezkur mesililer heqqide xitay da'iriliri bilen biwaste alaqiliship söhbet élip barghan hemde xitay hökümitidin bu heqte tézdin birlikke kélishni telep qilghan. Lékin xitay hökümiti dunya bankisining buxil tenqidini qobul qilalmaydighanliqini bildürgen.

Xitay tashqi ishlar ministérliqining bayanatchisi lyu jyenchaw " dunya bankisining bu xil tenqidini qobul qilalmaymiz, bizning afriqa döletliri bilen élip bériwatqan sodimiz barawer prinsip asasida dawamlishiwatidu " dep bildürgen. (Méhriban)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.