Amérika toqumichiliq sana'iti hökümettin xitay mallirini chekleshni telep qildi


2004-10-12
Share

Amérika toqumichiliq sana'iti teshkilati seyshenbe küni amérika prézdénti jorj W bushqa bir parche teklip sunup, hökümetning, xitay mallirining amérika toqumichiliq sahesige éghir tesir yetküzüshining aldini élip, kéler yili -1 aydin bashlap xitayning 10 türdiki toqumichiliq mehsulatini import qilishni derhal toxtitishni telep qildi.

Amérika birleshme axbarat agéntliqining körsitishiche, toqumichiliq sana'iti teshkilati xétide, " eger hökümet derhal chare qollunup xitayning 10 türlük toqumichiliq mallirini import qilishni derhal toxtatmisa, amérikida yene 650 ming xizmet pursiti ziyan'gha uchraydu" dep körsitilgen.

Amérika toqumichiliq sana'iti teshkilati otturigha qoyghan bu 10 türlük xitay malliri asasliqi, ishtan, köynek, paxta kirlik we paxta yip qatarliqlar iken.

Mezkür teshkilat yene, erzan xitay mallirining amérikida soda üstünlikini igiliwalghanliqini bildürüshtin sirt, xitay da'irilirining xelq pulining amérika dolliri bilen bolghan tégishish nisbitini qesten töwen tutup, xitay mallirini téximu üstünlükke ige qilghanliqini eyiplidi.

Amérika toqumichiliq sana'iti teshkilatining bu teklipni sun'ghan waqti del amérika prézdént saylam riqabiti eng yuqiri basquchqa kötürülgen mezgil bolup, prézdént bush textke chiqqandin buyan shekillen'gen ishsizliq ehwali asasliq riqabet témisi bolup kelmekte. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet