Б д т әмәлдари дарфурға техиму көп аптономийә беришни тәклип қилди


2004-09-24
Share

Б д т мусапирлар мәһкимисиниң башлиқи, судан һөкүмитини тоқунуш ичидики җәнубий суданниң дарфур раюниға техиму көп аптономийә беришни тәклип қилди.

Б д т мусапирлар мәһкимисиниң али комесари руд лубберс, биританийә радиосиға бәргән баянатида, бу тәклип муназирә пәйда қилиши мүмкин, бирақ мәхситим өй - маканидин қоғланған бир милйондин артуқ дарфурлуқниң мәсилисини һәл қилиш дәп көрсәтти . У, раюндики мәсилини қанунлуқ һөкүмәткә қарши қораллиқ күчләрниң ноқул һәркити дәп адди чүшәнгини болмайдиғанлиқини, чүнки бу йәрдики мәсилиниң техиму мурәккәп икәнликини тәкитлигән. У, судан һөкүмитигә мәсилини аптономийә йоли арқилиқ һәл қилиш тәклипи бәргән.

Дарфурдики қораллиқ тоқунуш өткән йили 2 - айда партлиған. Дарфурдики йәрлик африқилиқларниң наразилиқи, судан һөкүмитиниң қоллишидики җанҗавед қораллиқ күчлириниң һуҗумиға учриған иди. Америка җанҗавед қораллиқ күчлириниң һуҗумини ерқий қирғинчилиқ дәп җакалап, суданға имбарго қойидиғанлиқини агаһландурған. Бирақ хитай суданға имбарго қоюшқа қарши икәнликини әскәртмәктә. Көзәткүчиләрниң билдүрүшичә, судан хитайниң оттура шәрқтики муһим нефит импорт мәнбәлириниң бири болупла қалмай , хитай суданни қорал - ярақ билән тәминләйдиған әң дөләт икән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт