Б д т йиғинида, оттура асияниң бихәтәрлик вәзийити музакирә қилинди


2005-01-27
Share

Бирләшкән дөләтләр тәшкилатиниң террорчилиққа қарши туруш комитети бу һәптә қазақистанда йиғин ечип, оттура асиядики бихәтәрлик вәзийитини музакирә қилди.

Франсийә ахбарат агентлиқиниң хәвәр қилишичә, бу хәлқара җәмийәтниң, оттура асия дөләтлириниң ислам пидаийлиридин келидиған тәһдидкә тақабил туруш қабилийитидин әндишә қиливатқанлиқидин дерәк беридикән. Әмма хәвәрдә, йиғинда конкерт қандақ мәсилиләрниң музакирә қилинғанлиқи тилға елинмиған.

Хәвәрдә ейтилишичә, б д т террорчилиққа қарши туруш комитетиниң төтинчи қетимлиқ омомий йиғини пәйшәнбә күни қазақистанда аяқлашқан. Комитетниң нөвәттики рәиси, росийиниң б д т дики әлчиханиси әндирий дәнисоф бу мунасивәт билән бәргән язма баянатида, "комитетимизниң қазақистанға келиши хәлқара җәмийәтниң оттура асия вәзийитигә болған диққәт- етибарини тартиду. Оттура асия дөләтлиридә ислам радикаллириниң паалийәтлирини чәкләш вә бу дөләтләрниң хәлқара террорчилиққа тақабил туруш қабилийитини өстүрүш интайин муһим. Чүнки террорчилиқ оттура асияда чоңқур йилтиз тартқан" дигән.

Хәвәргә қариғанда, гәрчә қазақистанда өткүзүлгән мәзкур йиғин ,ғәрб әллири тәрипидин оттура асия дөләтлири билән террорчилиққа қарши һәмкарлиқни күчәйтиштики бир пурсәт дәп қаралған болсиму, бирақ кишилик һоқуқ тәшкилатлири, русийә вә қазақистанниң бихәтәрликни баһанә қилип, кишилик һоқуқни дәпсәндә қилишидин әндишә қилмақта икән. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт