B d t yighinida, ottura asiyaning bixeterlik weziyiti muzakire qilindi


2005-01-27
Share

Birleshken döletler teshkilatining térrorchiliqqa qarshi turush komitéti bu hepte qazaqistanda yighin échip, ottura asiyadiki bixeterlik weziyitini muzakire qildi.

Fransiye axbarat agéntliqining xewer qilishiche, bu xelq'ara jem'iyetning, ottura asiya döletlirining islam pida'iyliridin kélidighan tehdidke taqabil turush qabiliyitidin endishe qiliwatqanliqidin dérek béridiken. Emma xewerde, yighinda konkért qandaq mesililerning muzakire qilin'ghanliqi tilgha élinmighan.

Xewerde éytilishiche, b d t térrorchiliqqa qarshi turush komitétining tötinchi qétimliq omomiy yighini peyshenbe küni qazaqistanda ayaqlashqan. Komitétning nöwettiki re'isi, rosiyining b d t diki elchixanisi endiriy denisof bu munasiwet bilen bergen yazma bayanatida, "komitétimizning qazaqistan'gha kélishi xelq'ara jem'iyetning ottura asiya weziyitige bolghan diqqet- étibarini tartidu. Ottura asiya döletliride islam radikallirining pa'aliyetlirini cheklesh we bu döletlerning xelq'ara térrorchiliqqa taqabil turush qabiliyitini östürüsh intayin muhim. Chünki térrorchiliq ottura asiyada chongqur yiltiz tartqan" digen.

Xewerge qarighanda, gerche qazaqistanda ötküzülgen mezkur yighin ,gherb elliri teripidin ottura asiya döletliri bilen térrorchiliqqa qarshi hemkarliqni kücheytishtiki bir purset dep qaralghan bolsimu, biraq kishilik hoquq teshkilatliri, rusiye we qazaqistanning bixeterlikni bahane qilip, kishilik hoquqni depsende qilishidin endishe qilmaqta iken. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet