Б д т кишилик һоқуқ әмәлдарлири хитайни зиярәт қилмақчи


2005-03-17
Share

Б д т кишилик һоқуқ комитетиниң алий комисари вә мәхсус қийин- қистаққа елиш әһваллирини тәкшүрүш хадими бу йил хитайға зиярәткә берип, тәкшүрүш елип бармақчи.

Ройтирс агентлиқиниң хәвиригә қариғанда, хитай һөкүмити б д т ниң мәхсус қийин- қистаққа елиш әһваллирини тәкшүрүш хадими вән бовинниң 5 - айниң 23 - күнидин 6 - айниң 4 - күнигичә хитайни зиярәт қилишиға рухсәт қилған.

Хәвәргә қариғанда, хитай һөкүмити б д т ниң тәкшүрүш хадими вән бовинниң тутуп туруш орунлири вә түрмиләргә берип дәхли- тәрузсиз тәкшүрүш елип бериш тәлипигә қошулған. Бирақ униң конкирт қайси җайларға берип тәкшүрүш елип баридиғанлиқи техи елан қилинмиди.

Б д т кишилик һоқуқ комитетиниң алий комисариму бу йил 8 - айниң 29 - күнидин 9 - айниң 2 - күнигичә хитайни зиярәт қилмақчи. Буниңдин срт, хитай һөкүмити йәнә б д т ниң диний ишларни тәкшүрүш хадиминиңму хитайни зиярәт қилишиға қошулған болуп, лекин униң зияритини қубул қилидиған конкирт вақит җәдвилини бикитмигән.

Хитай һөкүмити илгири б д т ниң кишилик һоқуқни назарәт қилидиған хадимлириниң зияритигә йол қойған. Бирақ, бир қисим тәкшүрүш хадимлири хитай һөкүмитиниң уларниң хизмитигә дәхлй- тәруз йәткүзгәнликидин нарази болған иди. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт