B d t kishilik hoquq emeldarliri xitayni ziyaret qilmaqchi


2005.03.17

B d t kishilik hoquq komitétining aliy komisari we mexsus qiyin- qistaqqa élish ehwallirini tekshürüsh xadimi bu yil xitaygha ziyaretke bérip, tekshürüsh élip barmaqchi.

Roytirs agéntliqining xewirige qarighanda, xitay hökümiti b d t ning mexsus qiyin- qistaqqa élish ehwallirini tekshürüsh xadimi wen bowinning 5 - ayning 23 - künidin 6 - ayning 4 - künigiche xitayni ziyaret qilishigha ruxset qilghan.

Xewerge qarighanda, xitay hökümiti b d t ning tekshürüsh xadimi wen bowinning tutup turush orunliri we türmilerge bérip dexli- teruzsiz tekshürüsh élip bérish telipige qoshulghan. Biraq uning konkirt qaysi jaylargha bérip tekshürüsh élip baridighanliqi téxi élan qilinmidi.

B d t kishilik hoquq komitétining aliy komisarimu bu yil 8 - ayning 29 - künidin 9 - ayning 2 - künigiche xitayni ziyaret qilmaqchi. Buningdin srt, xitay hökümiti yene b d t ning diniy ishlarni tekshürüsh xadiminingmu xitayni ziyaret qilishigha qoshulghan bolup, lékin uning ziyaritini qubul qilidighan konkirt waqit jedwilini bikitmigen.

Xitay hökümiti ilgiri b d t ning kishilik hoquqni nazaret qilidighan xadimlirining ziyaritige yol qoyghan. Biraq, bir qisim tekshürüsh xadimliri xitay hökümitining ularning xizmitige dexly- teruz yetküzgenlikidin narazi bolghan idi. (Arzu)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.