Kofi annanning islahat pilani xitayning qarshi turushigha uchridi


2005.04.29
Share on WhatsApp
Share on WhatsApp

Xitay, b d t bash katipi kofi annanning kishilik hoquq komitétini islah qilish pilanigha soghuq su sépip, mezkur komitétning hazirqi qurulmisi b d t ezalirining meydanigha wekillik qilidighanliqini bildürdi.

Xitayning b d t diki bash elchisi wang gu'angya, aldinqi küni afriqidiki zimbabuwi kishilik hoquq komitétitining ezaliqigha qayta saylan'ghandin kéyin söz qilip, kofi annanning islahat pilanigha qarshi chiqti.

Amérika, awstraliye we kanada qatarliq döletler kishilik hoquq komitétini özgertip teshkil qilishni telep qilghan. Tereqqiy qilghan döletler, mezkur komitét, kishilik hoquqni depsende qiliwatqan döletlerning eyiplinishtin qutulidighan qoraligha aylinip qalghanliqini tenqid qilmaqta idi.

B d t ning kishilik hoquq komisari luyisa arbor, kishilik hoquq komitétini adaletsizlik we qosh ölchem qollinish bilen eyibligen. Kofi annan, kishilik hoquq komitétidiki döletlerning sanini azaytish shundaqla b d t diki üchtin ikki qisim döletning maqulliqini alghan ellerni mezkur komitétqa élish teklipini otturigha qoydi. Biraq uning teklipi xitay, iran, kuba qatarliq döletlerning qarshiliqigha uchrighan. Wang gu'angya, hazirqi komitétni " b d t diki eza döletlerning arzusigha wekillik qiliwatidu," didi.

Kishilik hoquq komitétining saylam tüzümini tenqidligen amérikining b d t diki bash elchisi anni patérson, komitéttiki bezi döletlerni xolum - xoshnilirigha yan bésish yaki talash - tartishsiz saylinish bilen tenqidlidi. Annan, her qaysi döletlerni bu yil sintebirdiki b d t ning bashliqlar yighinigha qeder kélishim tüzüshke ündigen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.