Кофи аннан: бир дөләтниң ядро қоллар тәһдити йәр шари характерлик апәткә йол ачалайду


2005.05.03
Share on WhatsApp
Share on WhatsApp

Б д т ниң баш катипи кофи аннан ню - йорктики ядро қоралларни чәкләш йиғинида, бир дөләтниң ядро қораллар тәһдити йәр шари характирлик апәткә йол ачалайду, дәп көрсәтти.

Кофи аннан, сөзини ядро қораллар апити йол ачидиған трагедийиләрни тәсвирләш билән башлиди. У, ядро қораллар апити миңлиған он миңлиған инсанниң өлүшини, кәң көләмдики топилаң вә қалаймиқанчилиқ пәйда қилип, йәр шари характерлик еғир иқтисади ақивәт пәйда қилиши мумкин, дәп көрсәткән. Дуня бойичә йеқинқи бәш йил ичидә ядро қораллар тәһдитиниң қайтидин җанланғанлиқини билдүргән аннан, кишиләрни бир нийәт бир мәқсәттики һәмкарлиққа чақирди.

Беританийә ахбарат тори б б с ниң тәкитлишичә, әнгилийә, франсийә, хитай, русийә вә америка қатарлиқ бәш чоң ядро дөлитиниң ядро қораллардин үзүл - кесил ваз кечиш йолида көрсәткән тиришчанлиқи йитәрлик болмиғанлиқиға наразилиқ пикирләр көпәймәктикән. Әмма йиғинда америка вә униң иттипақдашлири музакирә темисини шимали корийә билән иранниң ядро қораллар пиланиға қаратти.

Алдинқи күни башланған бу қетим йиғинни ядро қоралларни чәкләш шәртнамиси күчкә игә болғанлиқиниң 35 йиллиқи мунасивити билән чақирилған. ядро қоралларни чәкләш шәртнамиси 1970 - йили күчкә игә болғанда дуня бойичә бәш дөләт ядро қоралларға игиликини җакарлиған иди. Көзәткүчиләр, һазир дуня бойичә 15 дин 20 гичә дөләтниң ядро қоралларға игиликини билдүрмәктә. Бу қетимқи йиғин бир ай давам қилиши мумкин. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.