Kofi annan: bir döletning yadro qollar tehditi yer shari xaraktérlik apetke yol achalaydu

B d t ning bash katipi kofi annan nyu - yorktiki yadro qorallarni cheklesh yighinida, bir döletning yadro qorallar tehditi yer shari xaraktirlik apetke yol achalaydu, dep körsetti.

Kofi annan, sözini yadro qorallar apiti yol achidighan tragédiyilerni teswirlesh bilen bashlidi. U, yadro qorallar apiti minglighan on minglighan insanning ölüshini, keng kölemdiki topilang we qalaymiqanchiliq peyda qilip, yer shari xaraktérlik éghir iqtisadi aqiwet peyda qilishi mumkin, dep körsetken. Dunya boyiche yéqinqi besh yil ichide yadro qorallar tehditining qaytidin janlan'ghanliqini bildürgen annan, kishilerni bir niyet bir meqsettiki hemkarliqqa chaqirdi.

Béritaniye axbarat tori b b s ning tekitlishiche, en'giliye, fransiye, xitay, rusiye we amérika qatarliq besh chong yadro dölitining yadro qorallardin üzül - késil waz kéchish yolida körsetken tirishchanliqi yiterlik bolmighanliqigha naraziliq pikirler köpeymektiken. Emma yighinda amérika we uning ittipaqdashliri muzakire témisini shimali koriye bilen iranning yadro qorallar pilanigha qaratti.

Aldinqi küni bashlan'ghan bu qétim yighinni yadro qorallarni cheklesh shertnamisi küchke ige bolghanliqining 35 yilliqi munasiwiti bilen chaqirilghan. Yadro qorallarni cheklesh shertnamisi 1970 - yili küchke ige bolghanda dunya boyiche besh dölet yadro qorallargha igilikini jakarlighan idi. Közetküchiler, hazir dunya boyiche 15 din 20 giche döletning yadro qorallargha igilikini bildürmekte. Bu qétimqi yighin bir ay dawam qilishi mumkin. (Erkin)