Б д т хитайни қуш зукам вируси һәққидә агаһландурди


2005.07.04
Share on WhatsApp
Share on WhatsApp

Б д т ниң юқири дәриҗилик бир әмәлдари, хитай даирилирини чиңхәйдики қуш зукам вирусиниң тарқилиш әһвали шундақла адәмләргә ишлитидин вирусқа қарши туруш дорисини өй һайванлириға ишлитиш вәқәси үстидин техиму конкерт тәкшүрүш елип беришқа чақирди.

Франсийә ахбарат агентлиқиниң хәвәр қилишичә, б д т озуқлуқ тәшкилатиниң баш мал дохтури җосеф доминик, "адәмләргә ишлитидиған анти - вирус дорисини хитайда өй һайванлириға ишлитилгәнлики тоғрисидики хәвәрләр кишини хатирҗәмсизләндүриду," дегән.

Җосеф доминик, хитай һөкүмитидин адәмләргә ишлитидиған ворисқа қарши туруш дорисиниң өй һайванлириға ишлитилиш әһвали тоғрисида техиму тәпсили мәлуматлар билән тәминләшни тәләп қилди.

Җосеф доминик бу сөзләрни б д т ниң куала - ломпурда ечилған қуш зукам вироси һәққидики йиғинида тәкитлигән. "Вашингтон почта гезити" йеқинда хитайниң бәзи районлирида адәмләргә ишлитидиған вирусқа қарши туруш дорисиниң өй һайванлириға ишлитилгәнликини паш қилған.

Хитай һөкүмити "вашингтон почта гезити" ниң хәвириниң растлиқини рәт қилди, әмма вәқә үстидин тәкшүрүш елип баридиғанлиқини билдүргән.

Чиңхәй вә уйғур аптоном райониниң чөчәк, санҗи қатарлиқ җайлирида қуш зукам вируси байқалғандин кейин, дуня сәһийә тәшкилати чиңхәйдә тәкшүрүш елип барди. Әмма хитай һөкүмити мәзкур органниң санҗи вә чөчәкләрдә тәкшүрүш елип беришиға рухсәт қилмиған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.