B d t xitayni qush zukam wirusi heqqide agahlandurdi

B d t ning yuqiri derijilik bir emeldari, xitay da'irilirini chingxeydiki qush zukam wirusining tarqilish ehwali shundaqla ademlerge ishlitidin wirusqa qarshi turush dorisini öy haywanlirigha ishlitish weqesi üstidin téximu konkért tekshürüsh élip bérishqa chaqirdi.

Fransiye axbarat agéntliqining xewer qilishiche, b d t ozuqluq teshkilatining bash mal doxturi joséf dominik, "ademlerge ishlitidighan anti - wirus dorisini xitayda öy haywanlirigha ishlitilgenliki toghrisidiki xewerler kishini xatirjemsizlendüridu," dégen.

Joséf dominik, xitay hökümitidin ademlerge ishlitidighan worisqa qarshi turush dorisining öy haywanlirigha ishlitilish ehwali toghrisida téximu tepsili melumatlar bilen teminleshni telep qildi.

Joséf dominik bu sözlerni b d t ning ku'ala - lompurda échilghan qush zukam wirosi heqqidiki yighinida tekitligen. "Washin'gton pochta géziti" yéqinda xitayning bezi rayonlirida ademlerge ishlitidighan wirusqa qarshi turush dorisining öy haywanlirigha ishlitilgenlikini pash qilghan.

Xitay hökümiti "washin'gton pochta géziti" ning xewirining rastliqini ret qildi, emma weqe üstidin tekshürüsh élip baridighanliqini bildürgen.

Chingxey we Uyghur aptonom rayonining chöchek, sanji qatarliq jaylirida qush zukam wirusi bayqalghandin kéyin, dunya sehiye teshkilati chingxeyde tekshürüsh élip bardi. Emma xitay hökümiti mezkur organning sanji we chöcheklerde tekshürüsh élip bérishigha ruxset qilmighan. (Erkin)