Dunya rehberliri b d t qurulghanliqining 60 yilliqini xatirilidi

150 Tin artuq dölet we hökümetlerning rehberliri charshenbe küni nyoyorktiki birleshken döletler teshkilatining bash shtabida jem bolup, b d t qurulghanliqining 60 yilliqini xatirilesh üchün ötküzülgen bashliqlar yighinigha qatnashti.

Üch kün dawam étidighan b d t bashliqlar yighinida b d t ni islah qilish layihisi muzakire qilinidu. Yighinning échilish murasimida b d t ning bash sékritari kofi ennan we amérika prézidénti jorj bush söz qildi. Kofi ennan dunya rehberlirini b d t ni islah qilishta ching turush we dunyadiki namratliqni yoqitish yolida téximu ilgiriligen qedemlerni bésishqa chaqirdi.

Gherb metbu'atlirining xewirige qarighanda, herqaysi dölet rehberliri buningdin bir kün ilgiri, her qaysi döletlerning b d t diki elchiliri birlikke kelgen 35 betlik bir islahat layihisini maqullaydiken. Bu layihe tereqqiyat, kishilik hoquq we b d t ni islah qilish mezmunlirini öz ichige alidu. Emma bu layihe kofi ennan otturigha qoyghan islahat layihisining ajizlashturulghan nusxisi dep qaralmaqta.

Yighinda her qaysi dölet bashliqlirigha bir qétimdin söz pursiti bérilidu. Xitay dölet re'isi xu jintaw peyshenbe küni b d t bashliqlar yighinida nutuq sözleydu. (Arzu)