Б д т әлчиси хитайдики қийин- қистаққа елиш әһваллирини тәкшүриду


2005-11-21
Share

Бирләшкән дөләтләр тәшкилатиниң қийин- қистаққа елиш әһваллирини тәкшүргүчи хадими манфрәд новак дүшәнбә күни бейҗиңға йитип келип,хитайға қилидиған икки һәптилик зияритини башлиди. Бу хитайниң түнҗи қетим б д т ниң қийин- қистаққа елиш әһваллирини тәкшүргүчи хадиминиң зияритигә рухсәт қилиши болуп һесаблиниду.

Америка бирләшмә ахбарат агентлиқиниң хәвиригә қариғанда, у бу қетимқи зияритидә йәнә, уйғур ели вә тибәтни зиярәт қилиду һәмдә бир тутуп туруш орнини көздин кәчүриду.

Хәлқара җәмийәт, хитай һөкүмитини сақчиларниң җинайәт гумандарлирини қийин- қистаққа елип, мәҗбурий иқрар қилдурушиға йол қойиду, өлүм җазасини қалаймиқан ишлитиду дәп әйибләп кәлмәктә.

Хитай хәлқ қурултийи гәрчә бу йил язда сақчиларниң қийинап иқрар қилдурушини чәкләйдиған бир қанунни мақуллиған болсиму, әмма кишилик һоқуқ тәшкилатлири хитайниң қанун сестимисида қийин- қистақ вастилирини кәң қоллиниватқанлиқини билдүрмәктә.

Хәлқара кәчүрүм тәшкилатиниң асия ишлириға мәсол хадими марк әллисин " қийин- қистаққа елиш әһвали хитайда интайин омомйүзлүк. Әмма бизниң игилигән мәлуматлиримизға асасланғинимизда уйғур елидә әң еғир вә вәһший қийин - қистаққа елиш вастилири қоллинилиду" дәп билдүрди. У хитайниң б д т әлчисиниң зияритигә йол қоюш биләнла чәкләнмәй, хәлқара тәшкилатларниң чақириқиға қолақ селиши керәкликини көрсәтти. (Арзу)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт